نبض الآدم

البارت التالت

( نعرف سليم الأول عشان ميزعلش😅 ،، سليم شاب في طول آدم بالظبط بشرة فانيلية و عيون بني غامق و جسم رياضي شوي،، كان مع آدم في نفس الدفعة و هم صحاب من الثانوية)

نروح لعند أما اتطرد سيف و آدم حكى لـ سليم و مالك اللي حصل،،،،،

بعدها التلاتة طلعوا و آدم بلغهم باللي هيحصل و سليم و مالك كملوا الباقي،، و طبعاً دي كانت نقلة كبيرة لهم و بداية لنجاح كبير،،،

بعد سليم ما روح على العشا,,

الكل قعد،،

الأب : و أنتم كدا هتكبروا الشركة إن شاء الله بعد الصفقة دي يا سليم؟

سليم: ااه يا بابا لأن دا هدفنا إننا نكبر الشركة و يكون كل شغلنا نضيف،،

الأم: بالتوفيق يا حبيبي

( ابتسم سليم)

مجاهد بمرح: و أنا هتخرج من هنا و اشتغل عندكم من هنا ،،،

😂😂

( مجاهد الاخ الأصغر لسليم فيه شبه منه و بيكون في آخر سنة كلية محاماة)

سليم : أكيد،،بس ربنا يستر و متودناش في حديد 😅

مجاهد: عيب عليك أنا ثقة،،

بس مواهبي مش بتبان بالساهل،،😂 أنتم عارفيني،،

ملك : ااه،، ااه عارفين 😂

( الأخت الوحيدة لهم في أولى كلية علوم بيميزها مرحها مع أسرتها)

مجاهد : بضحك ظالميني على طول 😂

( الأم في نفسها بتدعي ربنا يحفظ الضحك على وجوه ولادها)

ــــــــ"""""""""ــــــــ

N. Al_Sherif

عند آدم و مالك،،

مالك كان فرحان بس فجأة اتبدلت ملامحه لحزن و زعل،،

آدم فهم أخوه و خده في حضنه،،

آدم : عارف إنهم كان هدفهم إننا نكبر و يشوفونا ناجحين بس دي إرادة ربنا،، المفروض ندعيلهم بالرحمة

مالك وعيونه دمعت: عارف بس دول كانوا معانا و فجأة يمشوا في لمح البصر لحد دلوقت هتجنن،، بس اللهم لا اعتراض،،ربنا يرحمهم و يسكنهم جنات النعيم.

آدم ( و هو بيحاول يبان قوي) : اللهم آمين يلا بقا كل واحد ياخد شاور و نطلب أكل لأني مش هقدر أجهز حاجة و أنت مبتعرفش غير إنك تاكل على الجاهز..

مالك بضحك وسط دموعه: أعمل ايه طيب ،،،

آخر مرة حرقت الأكل و ربنا ستر محصلتش حريقة 😂

آدم: هههه ،،

أنا هطلب أكل يلا روح خد شاور و ريح شوي..

بعد ما مالك مشي..

آدم في نفسه: و لا أنا مصدق لحد دلوقت حاسس بنار كل أما افتكر إزاي راحوا بس لو حد كان مخطط لقتلهم فمش هرحمه و دا وعد اخدته على نفسي،،

و بعد نص ساعة استلموا الأكل،،

على السفرة :

آدم : أنا عارف يا مالك إنك انشغلت بالصفقة دي كتير و عن دراستك و تحمسك للشغل خلاك أهملت دراستك ( حاول مالك يتكلم آدم وقفه بنظرة)

لازم تهتم بدراستك دول آخر سنتين و بعدها إن شاء الله تتفرغ للشركة ،،

مالك: بس أنا كدا تمام و هعرف أهتم بدراستي،،

آدم : عارف يا حبيبي بس لازم تهتم بدراستك و يا ريت متجادلش كتير و أي جديد هبلغك،،و كمان أنت داخل على إمتحانات فلازم تشد حيلك،،

مالك : تمام..

وبعدها قعدوا يهزروا و يتكلموا في اللي هيعملوه و في الآخر كل واحد راح اوضته،،

مالك حاول يجيب المحاضرات اللي فاتته من صحابه و آدم كان بيفكر في أكتر من حاجة..

&&&&&&&&&ـــــ

N. Al_Sherif

لا إله إلا أنت سبحانك إني كنت من الظالمين

عند مروة..

مروة: ألو يا عمار عامل ايه

عمار : أنا بخير طول ما أنت بخير،،أخبارك أنت يا قلبي،،

مروة بكسوف : أنا بخير الحمد لله

و بعدها فضلوا يتكلموا و مشي النظام على الوضع دا أيام،،

مروة في الأيام دي ما اهتمتش بالدراسة و كان عادي عندها إنها تدخل اي حاجة و مش فارقة معاها كتير كانت و تتنازل عن حلمها،، كانت فاكرة إنه بيحبها،،

و أوقات كانت بتبقا عاوزة تلغي الكلام كتير بس الشيطان كان بيسولها إن الموضوع عادي و هي حبته بس للأسف هي محبتوش هي اخدت الكلام فضول و اهتمام مزيف منه،،

بس ربنا بيمهلنا عشان نرجع و لو مرجعناش مش بيهمل اللي عملناه،،

سارة أخت مروة كانت بتكلم خطيبها ( و اللي هم كاتبين الكتاب أصلا) و كانت ماسكة موبايل مروة بتحاول تفتح الباسورد معرفتش راحت فتحت الموبايل ببصمة مروة كنوع من إنها تسلي نفسها و أما فتحت الموبايل لقت فيديوهات عن الحب على موبايلها و محادثات غريبة كانت في دوامة من التيه و التفكير و بعدها لقت موبايل مروة بيرن كتير برقم غريب مش متسجل و مروة كانت نايمة فردت سارة أما لقت رقم غريب بيرن كتير،،

سارة: ألو

عمار: أيوة يا قلبي عاملة ايه

سارة: !!!!!!!!!!!!!!!