صلوا على رسول الله 🤍
البارت الخامس ----ــــ❤️ــــ----
عند مروة،،،
عدت فترة و كان يوم ظهور النتيجة جابت مجموع كويس و طلعت من الاوائل على المدرسة،،
و أهلها فرحوا كتير بها،،و بدأت تستمد شجاعتها و قوتها،،
بس عمار كان بيحاول يوصلها بأي طريقة ،، إزاي تسيبه و تتجاهله و هو مش متعود على كدا،،
أما الجميلة تبعنا كانت فاكرة إنه بيحبها،،و أما لقت رسالة منه على قائمة المحظورات فكت البلوك و رجعت تاني تكلمه ،،
و هو مكانش أكتر من إنه بيتسلى و عدت الايام على الوضع دا،، بس كانت بتحاول تهتم بدراستها و إنها ميابنش إنها بتكلم عمار خالص،،
و أهلها كانوا بيحضروا لفرح أختها اللي كان بعد ما تخلص السنة دي عشان تكون خلصت الجامعة و متنشغلش بالدراسة,,
( سارة أخت مروة مختمرة في آخر سنة كلية آداب قسم انجليزي مخطوبة،،
سمير أخو مروة شاب جسمه مش رياضي قوي بس بيشتغل عشان يصرف على أهله بعد وفاة والده و هو معاه دبلوم من المدرسة الثانوية التجارية
أما والدتهم فهي ست بتحاول تحافظ على ولادها خصوصاً إن أخوات جوزها بعد وفاته سابوهم و محدش سأل فيهم )
والدة مروة: يلا يا سارة عشان نشتري باقي الجهاز و الحاجات اللي ناقصة معاكي الورقة اللي كتبناها؟
سارة: ايوة يا أمي جهزتها اهي
والدة مروة: يا مروة،، يا مروة
مروة: نعم يا أمي
والدة مروة: أنا همشي أنا و أختك نجيب باقي الجهاز و نشوف اللي ناقص ،، جهزي أكل على ما نكون إحنا جينا..
مروة: حاضر يا أمي
بعد دقائق. ،،
مروة: أيوة عمار سامعني
عمار: معاكي يا قلب عمار،،
مروة: أنا مش عارفة أعمل ايه؟ الفرح قرب و الدراسة خلاص و الامتحانات مش عارفة أعمل ايه
عمار: و لا يهمك يا عمري كل حاجة تمام،، بقولك ايه
مروة: ايه
عمار: ما تبعتي صورة ليكي
مروة: عمار أنا قولتلك مش هبعت تاني كفاية مرة
عمار: و أنت مش واثقة في و لا ايه،، و بعدين الصورة اللي بعتيها مسحتيها على طول
مروة : عمار أنا مش هبعت و يا ريت متطلبش مني كدا تاني
عمار : خلاص اهدي يا عمري
و قعدوا يتكلموا،،
( و هنا نتكلم شوي مفيش شاب هيكون عاوز منك صور أو بيكلمك من ورا أهلك و عاوزك في الحلال،، أنت متعرفيش بيتكلم عنك إزاي قدام صحابه،، و الجانب الديني أنت كل ما بتستمري في الموضوع دا كل ما هي سيئات بتتكتب في صحيفتك،،
طيب أنا مش قادرة أبعد و بفكر فيه ؟
،،أكيد لازم دا يحصل بعد أما تبعدي عنه،، و عشان كدا لازم تشغلي نفسك بالذكر و الطاعة و إنك تدعي كتير
بس أنا مش من الناس اللي قريبة من ربنا أنا حتى مش متحجبة و بشعري!
ربنا مستني منك إنك تقربي و ترجعي،، بس افتكري إن اللي بيختار رضا ربنا عن رضا الناس ربنا بيرضى عنه و يكتب له الرضا بين الناس)
-----🩵ـــــ
لا إله إلا أنت سبحانك إني كنت من الظالمين 🤍
﴿ گ / ن.م.م ﴾
عند آدم ،،،
آدم بغضب : إزاي يعني دا يحصل
سليم : اهدى يا آدم،، و بعدين إحنا ممكن نشتري أي مبني تاني و يكون جاهز لأنه يكون مخزن
آدم بغضب : لأ مش ههدى و لازم اخد الأرض دي يعني اخدها،،
,,,,,,,,,,-----,,,,,,,,,
برة في مكان منزوي حد بيتكلم بصوت واطي
سامي: كله زي ما خططت يا باشا ،، بس متنسانيش بقا!
عادي بسعادة: تمام،، عرفني بكل جديد و متقلقش نصيبك موجود
و قفل معاه،،
عادل : حاولوا تخلصوا الشغل دا في أسرع وقت و بعدها زي ما أنا عاوز يحصل،،مفهوم
الكل: مفهوم يا باشا
لا حول و لا قوة إلا بالله العلي العظيم 🤍
ـــ-------ـــ
﴿ گ / ن.م.م ﴾
=
N. Al_Sherif
💬 التعليقات